BlixBlog

Eg skal ikkje påstå at det er ei halv bok eg har sendt frå meg til forlaget i dag. Men råstoff til ei halv bok er det: Samanhengande utkast til første hovuddel av biografien om Elias Blix, fire kapittel som dekkjer tida 1836-1872. Han er nett komen attende til Kristiania frå Leipzig, med familie, det vil seie fru Emma og nyfødd son Hans Peter.

Neste utfordring er å skrive noko begripeleg om doktoravhandlinga hans (1876). Neste glede er å skrive noko om det tredje heftet av Nokre Salmar (1875). Det er der alle dei finaste står. Men eg trur eg har fortent ei moderat feiring først.